എന്റെ തൂലിക

അളപ്പതിനേതുപായമെടുത്താലും ...പെണ്ണേ.. അളന്നുതീർപ്പതല്ലയെൻ പ്രണയം... അരികിലായില്ലെന്നാലുമെൻ ഹൃദയത്തിൽ അമൃതവർഷമായ് നീ പെയ്തിറങ്ങാറുണ്ട് .. അനുരാഗത്തിൻ അനന്തവിഹായസ്സിലായ് .. അലകളെ താലോലിച്ച് വിവശനായ് ഞാനുമിന്ന് അനന്തമായ് ശയിപ്പതും നിന്നോർമ്മകളിലായ്.. അകന്നു നില്പതഭിലഷണീയമല്ലാകിലും പ്രിയേ.. അതിശീഘ്രമണയാനുള്ള ത്വരയാണുള്ളിൽ.. അറബി നാടിന്റെ മാസ്മരികത നിശ്ചയ.. മെന്നെയൊരിക്കലും ആകർഷിച്ചതില്ലയെന്നുടെ അമൃത ഭാഷിണീ.. അമ്പിളിക്കല തോല്കും നിൻ മുഖപ്രസാദം.. അതിനോളമെന്ത് ആശ്വാസമായെനിക്ക്... #Shaby's Thoughts