വേർപാട്

മരണമേ നീയൊരു മോഹമാകുന്നൂ..
നിനവുകളെന്നെ തോല്പിച്ചിടുമ്പോൾ.
   അവളെ തേടിയലയുന്ന വഴിയിൽ വിഘാതമായ് നീയവതരിക്കേ... ക്രൂരനാമസുരനാവുന്നൂ നീ..

ശിഷ്ടമുള്ളോരു ശ്വാസഗതിയും നീ..
തൊണ്ടക്കുഴിയിലായ് പിടിക്കവേ...
ഇതുവരെയവൾക്കായ് തുടരെ.. മിടിച്ചൊരെൻ ഹൃദയം നുറുങ്ങുന്നൂ..

    ഉടൽകോച്ചുന്നൂനിന്റെബലിഷ്ഠ
കരത്തിൻ തണുപ്പാൽ...നിന്റെയ..
സഹ്യമാം നിശബ്ദതയെന്നെ.. ഭയപ്പെടുത്തുന്നൂ മരണമേ...

അവളിലായിനി ചേർന്നു രമിക്കാനും
ആവില്ലെനിക്കായധരങ്ങളാലൊരു ചുംബനം നേടുവാനും..
 
നീട്ടിയയെന്നുടെ കരം ഗ്രഹിക്കാ..
നൊരുങ്ങിയവളെ കാക്കാതെയീ..
കരമതു തട്ടിയെറിഞ്ഞൂ നീയും ..

നിഷ്കളങ്കമായോരവളുടെ പ്രേമമാ
ലലിയുമേതു ബന്ധനങ്ങളും..
നിശ്ചയം.. മരണമേയില്ലെൻ അനുരാഗത്തിനെന്നു ചൊല്ലുക നീ..

ബന്ധിതമാമീ കർണ്ണങ്ങൾക്കാ..
വതല്ലാ  ശ്രവിക്കാൻ ആ മധുര വീചികളിനിയും..
ദൃശ്യമാവില്ലാ ഇനിയീ ബന്ധിത
നയനങ്ങളാലവളുടെ അനർഘമാം താരുണ്യത്തെ ഇനിയൊരിക്കലും...

ഉള്ളിലായ് ഞാൻ കരുതിവെച്ചോ..
രെന്നുടെ ഓർമ്മകൾ നശിപ്പതല്ലാ..
നിന്നുടെ കരങ്ങളാൽ ...
  കൊണ്ട് പോകട്ടെ ഞാനവളുടെയാ സുന്ദരസ്മൃതികളും, സ്വപ്നങ്ങളും..
തീരാത്തൊരെൻ അനുരാഗ.. ശേഷിപ്പുകളെ മാറോടു ചേർത്ത്
മണ്ണിലായലിയട്ടെ  ഇനി ഞാനും. ..

പ്രേയസ്സീ ..ഇനിയൊരു ചുംബനം ..
  തരിക വീണ്ടുമെൻ  വരണ്ട ചുണ്ടിലവസാനമായ്..നീ.. വറ്റിയയെൻ തൊണ്ടക്കുഴിയിലായാ. തീർത്ഥമൊഴുകട്ടെ...
ഓ..മരണമേ!...നിന്നെ പുണരുക.. ക്ലേശകരം തന്നെ...
    
#Shaby's