അമ്മ നിലാവ്

ഏതഭൗമ സൗരഭ്യങ്ങളും വൃഥാവിലാകുമമ്മേ തണലായ് നീയില്ലായിരുന്നുവെങ്കിൽ.

 നീയൂട്ടിയ നിന്നുടെ.... മുലപ്പാമൃതിനേക്കാളുപരി

യിനിയെന്ത് ഭക്ഷിപ്പതു ഞാൻ .

 ഭ്രൂണമായ് ഞാൻ നിന്നിലുത്ഭവിച്ച..

നാളു മുതലാകാംക്ഷയായിരുന്നൂ.. നിനക്കമ്മേ...

എൻ വളർച്ചയിൽ നീയനുഭവിച്ചൊ

രു ക്ലേശമേതുമേ സഹിപ്പതല്ലാ..നരന് നിശ്ചയം...

 

നിദ്രവെടിഞ്ഞും തിക്തങ്ങളേറെ സഹിച്ചും ...

ജീവനടരുന്നോരു വേദനയിലും.. മാതൃത്വം തന്നുടെ ഭാഗ്യം 

നുകരാനൊരുങ്ങുന്ന  ജനനീ......

 ഏതു പാനീയം പകരുമാ അധരങ്ങളിലായവളുടെ 

ദാഹം തീർക്കുവാനായ്...

എന്തു നല്കുമാ കരങ്ങളിലീ ജീവനു പകരമായമ്മേ

   സർവ്വംസഹയായ് വാത്സല്യ..

                                    ത്തിടമ്പായ്

  പ്രാർത്ഥിക്കുന്ന കരങ്ങളായ് നീ വേണമെന്നുമമ്മേ..

കരുണ തന്നുടെ സ്ഥായീഭാവമേ..

കാലടിയിലായ് സ്വർഗ്ഗമൊളിപ്പിച്ച ..

കനിവും നീയമ്മേ ...

വിളങ്ങുകയെന്നിൽ നന്മവിളക്കായ് എന്നുമെന്നുമേ നീ..

വ്യസനമേകാതെ  തകർത്തിടാതെ.. കാത്തിടാം നമുക്കമ്മയെയെന്നും

സുകൃതങ്ങളേറെയണഞ്ഞാലും..

നിഷ്ഫലം... അമ്മയെന്ന ...

ഭാഗ്യമതില്ലെയെങ്കിൽ നിശ്ചയം ...

#Shaby's

 
#Shaby's Blogs