ഇടറുന്ന നെഞ്ചും വിതുമ്പുന്ന നിൻ... അധരങ്ങളും...
സജലമാം മിഴികൾ തന്നിലൂടെ..
പകരുന്നൊരു കടാക്ഷവും പ്രിയേ..
ആരുമേ പറയാതെയറിവൂ ഞാൻ
ഇനി വരും ഉദയങ്ങളെനിക്കന്യമെന്ന്....
ഉടലകന്നകലേക്ക് ഉയരാനിനി ....
ക്ഷണനേരമെന്നതറിയുമ്പൊഴും..
കൊതിക്കുന്നൂ ഞാൻ വീണ്ടുമൊരു
നോക്കു കാണുവാനായ് നിന്നുടെ..
നിലാവു തോൽക്കുന്നൊരു....
നറുപുഞ്ചിരിയൊന്നു കൂടെ.
കനവുകൾ നാം നെയ്തെടുത്തൊരു
പുണ്യ നിളാനദിക്കരയിലായ്...
പുനർജ്ജനിക്കണം ഒരിക്കൽ കൂടീ...
കൊതിതീരുവോളം നിന്നോടൊത്തു ചേരുവാനായ്....
ഇനി വിട തരികയെന്നുടെ ദേവിയേ.
വിധിയെന്നതാവില്ലാ തടയാനായ് ...
ജന്മാന്തരങ്ങൾ തന്നുടെ സൗഖ്യമല്ലേ.
ജന്മമൊന്നാലെനിക്ക് നീ നേദിച്ചത്...
മരണമേ....നീയെത്ര കഠിനമാണ്...
ബലിഷ്ഠമായ നിന്നുടെ..കുരുക്കാൽ
മുറുക്കീ നീ കരയിക്കല്ലേ....
കാണണമെനിക്കവളെ ഇനി ഒരു മാത്ര കൂടി ഈ കണ്ണടയും മുന്പായ് ഒരിക്കൽ കൂടെയവസാനമായ്....
#SHABY'S
No comments:
Post a Comment