നീലമിഴിതോറും വജ്രശോഭ സൂക്ഷിച്ച കാശ്മീരിൻ സൗകുമാര്യമേ...
മുത്തുപൊഴിയുന്ന വാഗ്ചാതുര്യമാലെ..
മനസ്സുകീഴടക്കിയ മോഹിനീ...
കണ്ടമാത്രയാലെ എന്നുൾതടത്തിലായ്..
കവിത രചിച്ച കാവ്യഭാവനയോ നീ...
"സാവരിയാ" നീയൊരു മാലാഖയോ...
പർവ്വതങ്ങളുടെ നാട്ടിലെ രാജകുമാരിയോ.
നക്ഷത്രകണ്ണുള്ള മാൻപേടയോ...
ആരും കൊതിക്കുന്ന തേജസ്വിനി നിൻ..
അനുരാഗമെന്നിലായ് നേടിയെങ്കിൽ..
ഈ ജന്മമെന്നുടെ ധന്യമായേനേ...
അന്നാ വഴിത്താരയിലായ് കണ്ടുമുട്ടീ നാം..
അറിയാതെ നിന്നിലലിഞ്ഞു പോയ് ഞാൻ.
സൗഹൃദ ചരടാലൊരു ബന്ധനം പക്ഷേ...
സഹിക്കില്ലതെന്നുടെ ഹൃദയം..
സഞ്ചാരികളുടെ പറുദീസ തന്നിലായ്...
സാഗരത്തിൻ റാണിയാമീ നഗരത്തിൽ.
തേടിയലഞ്ഞൂ ഞാൻ നിന്നെ. ....
ഒരു നോക്കു കാണാൻ. ..എന്റെയീ...
ജന്മം നിനക്കു സമ്മാനിക്കാൻ..
ഒരിക്കലും കാണാത്ത അകലത്തേക്ക് നീ..
വിട പറഞ്ഞു പോയതറിയാതെ..... കാത്തിരിക്കുന്നു ...ഈ മരുഭൂമി തീർത്ത മായാപ്രപഞ്ചത്തിലേകനായ്...ഞാൻ ..
"സാവരിയാ " ഇന്നു നീ വെറും സ്വപ്നമോ..
സജലമാകുമെൻ മിഴികൾ.. പറയാൻ...
വെമ്പുന്നത് നിനക്കു ഞാൻ കാത്തു വെച്ച സ്നേഹം മാത്രം. ....
പറയാതെ പിരിഞ്ഞ പനിനീർദളമേ...
പാതിവഴിയിൽ വഴിതെറ്റി അലയുമീ..
പ്രേമഭിക്ഷുവിൻ യാചന കേൾക്കുമോ..
നിന്നെ തഴുകി വരുന്ന ഈ കാറ്റിൻ.. കൈയ്യിലായ്....കൊടുത്തയക്കുന്നൂ ഞാൻ
എന്നുടെ മോഹങ്ങളെ നീ സ്വീകരിച്ചു ... കൊൾക..
#SHABY(ഷാബി)
.
No comments:
Post a Comment