തിമിർത്തുപെയ്യുന്നയീ..മഴ മരുഭൂതലത്തിൻ തീക്ഷ്ണമായ
നൊമ്പരങ്ങൾ തണുപ്പിക്കുമോ...
ഇണയെ വിട്ടകന്നോരു പറവകൾ..
തൻ വിരഹത്തിൻ ചൂടണക്കുമോ..
എങ്കിലും പ്രിയതരമീ... മരുഭൂമിതൻ മഴയെന്റെ നാടിൻ
ഹരിതസ്മൃതികളുണർത്തുന്നൂ ...
നിനവുകൾ തൻ നൂറു സ്ഫടിക....
നിലയങ്ങളുയർത്തിടുന്നൂ.
വ്യഥയാൽ നീറുന്ന അകകാമ്പിൻ...
നോവുമലിയിക്കുന്നുവോ...
ചോർന്നൊലിച്ചിട്ടും ചേർത്തുപിടിച്ചു
കിടാങ്ങളെയന്നുംപാടിയുറക്കി... യോരമ്മയെ ഓർക്കുന്നൂ ഞാനിന്ന്...
പച്ചോലചീന്തി കൂരതൻ ചോർച്ചയെ
പ്രതിരോധിച്ചോരച്ഛന്റെ വിസ്മയ... തച്ചുശാസ്ത്ര വൈഭവവും..
പാടവരമ്പും വയൽകിളികളും കര..
കവിയുംനിളയും ഓർമ്മകളായ്...
മഴയെ പ്രണയിച്ചോരെൻ മനസ്സും...
മധുവൂറുമാ സ്വപ്നങ്ങളും വീണുപോയ്....
മൃതപ്രായമായോരു വൃദ്ധപോലു..
രുകുന്ന ജനനി തൻവ്യഥകളും..
കൂടു കൂട്ടാനൊരു ചില്ല തിരയുന്ന
പറവകൾ തന്നുടെ വ്യമോഹവും..
മിഴിനീരണിയിക്കുമീ പ്രവാസിയിൽ..
കേരമരത്തിൻ നാടോർമ്മ തന്നോരു
മരുഭൂമി കുളിരണിയിച്ചമാരിമഴയേ...
സ്വീകരിക്ക നീയെൻ അഭിവാദ്യങ്ങൾ
Shaby's
No comments:
Post a Comment