വൃണമുണങ്ങാത്ത വിരഹസ്വപ്നവുമായ്..
വിടപറഞ്ഞകന്നതാണീ ...ഞാൻ. ..
വിറക്കുന്ന അധരങ്ങളുമായ്..
വിരസമായ ഓർമ്മയും ബാക്കിയാക്കി ഈ
വിദ്യാലയത്തിന്റെ പടികൾ പിന്നിട്ടകന്നന്ന്.. ....
വിരുന്നുകാരനെ പോലെ ഇനിയൊന്നു പോകണമെനിക്ക്....
വികൃതികളായ് നാം വിലസിയ ഈ ആരാമത്തിലായ്....
വെള്ളരിപ്രാവുകൾ തത്തിക്കളിക്കുന്ന ...
പൂമുഖവും പിന്നിട്ട്. ...
വിദ്യ നുകർന്നൊരെന്നുടെ കൊച്ചു മുറിയിലേക്കൊന്ന്... പോയിരിക്കണം ...
വിരലുകളാൽ ഞാൻ ചെയ്തു വെച്ചുള്ള ...
വികൃതികൾ കണ്ടോന്നാസ്വദിക്കണം....
വിരുതുകൾ കാണിച്ച ചുമരിലായെൻ...
ചുണ്ടുകൾ ചേർത്തൊന്ന് ചുംബിക്കണം..
വിശപ്പിൻ വിളികേട്ട നമ്മുടെ പഴയ... കഞ്ഞിപ്പുരയെ...
കൊതിതീരുവോളം നോക്കിടേണം... വിദ്യാർഥികൾ തൻ സർഗവാസനകളെ. ..
പ്രദർശിപ്പിച്ച വേദിയും പിന്നിട്ട്...
വേലികെട്ടിത്തിരിച്ച മൈതാനത്ത് ഒരു. .
മൂലയിലൊന്ന് പോയിരിക്കണം....
വിടപറഞ്ഞകലും മുന്പ് ആ പുസ്തക...
പുരയുടെ പിറകിൽ ഞാൻ നട്ട ബദാംമര..
ചോട്ടിൽ വച്ചുതിർക്കണം കണ്ണുനീരല്പം...
അവളുടെ ഓർമ്മകൾ നഷ്ടം വരുത്തിയ. ..
ഹൃദയത്തിനല്പം ശാന്തിയേകാൻ...
പിന്നെ പിന്തിരിഞ്ഞ് നോക്കാതെയാ...
പാവനമായ മുറ്റം പിറകിലാക്കി....
പറന്നകലണം വിസ്മരിക്കില്ലെന്ന വാക്കുകൾ നെഞ്ചിലേറ്റീ.....
#ഷാബി(SHABY )
No comments:
Post a Comment