Shaby's blogs: 2017

Monday, 20 November 2017

മോഹം

താരകം പോലും പ്രഭ മങ്ങിപ്പോകും..
താരിളം പൂവേ താരുണ്യരൂപേ.
താമരനൂലാൽ കോർത്തൊരു താലി ഞാൻ..
തങ്കക്കുടത്തിൻ മാറിലണിയാം....(2

     ആളിമാരോടൊത്ത് ആവണിനാളിൽ
ആമ്പൽപ്പൂവിരിയും ആരാമം തന്നിലായ് ..
കേളികളാടവേ ദർശനം നല്കി നീ...
ആരോമലാളേ.....ആവണിതിങ്കളേ...
അനുരാഗവിവശനായ് അടിയനും നിന്നുപോയ്...
                                   ( താരകം ..മാറിലണിയാം)
കാതങ്ങൾ ദൂരമാണു കാതരെ നീയെന്നാലും..
കണ്ണിൻ മുന്നിലായ് തെളിയുന്നു നിൻ മുഖം..
കണ്ണിൻമണിപോലെ കാത്തിടാം പെണ്ണിനേ..
കാവലായ് മാറിടാം ഈ ജന്മം മുഴുവനും..
                                (താരകം പോലും..
അഴകേ എന്നുടെ അനുപമമീ അനുരാഗം
അറിയാതെ പോവല്ലേ നീയിനീ...
അമ്പിളിക്കലയോളം ആഗ്രഹമുണ്ടെടീ...
ആ മാറിലൊരു മറുകായി മാറിടാൻ...
                 ( താരകം പോലും ..മാറിലണിയാം

#Shabys

Monday, 13 November 2017

താരകം

#Shabys

Tuesday, 31 October 2017

Arakkal Mana (story link)

https://m.facebook.com/story.php?story_fbid=1385539394869093&id=100002391367441

https://m.facebook.com/story.php?story_fbid=1385989981490701&id=100002391367441

https://m.facebook.com/story.php?story_fbid=1386400674782965&id=100002391367441

https://m.facebook.com/story.php?story_fbid=1386775364745496&id=100002391367441

https://m.facebook.com/story.php?story_fbid=1387801081309591&id=100002391367441

https://m.facebook.com/story.php?story_fbid=1388088991280800&id=100002391367441

https://m.facebook.com/story.php?story_fbid=1389556357800730&id=100002391367441

https://m.facebook.com/story.php?story_fbid=1391049107651455&id=100002391367441

https://m.facebook.com/story.php?story_fbid=1392084740881225&id=100002391367441

https://m.facebook.com/story.php?story_fbid=1394697357286630&id=100002391367441

https://m.facebook.com/story.php?story_fbid=1397022517054114&id=100002391367441

https://m.facebook.com/story.php?story_fbid=1398351626921203&id=100002391367441

https://m.facebook.com/story.php?story_fbid=1406389906117375&id=100002391367441

https://m.facebook.com/story.php?story_fbid=1407084296047936&id=100002391367441

https://m.facebook.com/story.php?story_fbid=1409580762464956&id=100002391367441

https://m.facebook.com/story.php?story_fbid=1413581522064880&id=100002391367441

https://m.facebook.com/story.php?story_fbid=1415165761906456&id=100002391367441

https://m.facebook.com/story.php?story_fbid=1415854471837585&id=100002391367441

https://m.facebook.com/story.php?story_fbid=1419909241432108&id=100002391367441

Thanks for reading ❤❤

Monday, 16 October 2017

ദുരിത പാലായനം

   പിറന്ന മണ്ണും, വിയർപ്പിനർത്ഥവും..
പിന്നിലായ് വിട്ടെറിഞ്ഞോടേണ്ടി വന്ന..
മനുജന്റെ ദുര്യോഗമെത്ര ദൈന്യം..

മുന്നിൽ തെളിഞ്ഞ പ്രതീക്ഷകളേ..
നീയുമിന്നെന്നെ വെറുപ്പോടെ തുരത്തിയോടിപ്പതെന്തേ...?

    പാരിതിലായ് നിന്ദ്യനായ്..ഞാനും
അപരന്റെ കണ്ണിലെക്കരടു പോലെങ്ങനെ..
ഞെരിഞ്ഞമർന്ന് ശിരസ്സുകുനിഞ്ഞെങ്കിലും..
വിടാതെ പിന്തുടരുവതെന്തിനീ വിധം..

     കലികാലമെന്നോതി ആശ്വസിപ്പതെങ്ങിനെ..
ക്രൂരമാമീ വികൃതിയാലെന്തിനീ പരീക്ഷണങ്ങൾ
ചുട്ടെരിച്ചു കളയാനെന്തു ധൃതിയീവിധം ..ധരണിയിൽ
നിന്ദ്യനായ് പിറന്നതെന്റെ പിഴയോ..

വിശ്വാസസംഹിതകളൊക്കെ വിഷമാക്കി
മാറ്റുവോരേ..
എന്റെയീ പാലായനം നാളെ നിനക്കു കഠിനമാകിടുമോർക്ക...നിശ്ചയം.

ഖേദമില്ലെനിക്കെൻ വിശ്വാസങ്ങളെ ചൊല്ലി..
ഖേദമാണു ഈ ജനനി തൻ ദുർഗതിയിൽ..

ഇയ്യാം പാറ്റകണക്കെ കൊഴിഞ്ഞു പോകിലും..
ഇതുവരെ ജീവിച്ച ജന്മനാടേ..
പെറ്റമ്മയേ പോൽ ജീവനാണെനിക്ക്...
വിട തരികയീ മകന്...

    എന്റെയീ കുരുന്നുകൾ തന്നുടെ വിലാപങ്ങളീ..
                                        ഹൃദയം പിളർത്തിടുന്നു..
    സുരക്ഷിതമാം താവളങ്ങളെ തേടിയിവർക്കായ്   നിരർത്ഥകമാകിലും പ്രയാണമിതെനിക്ക്
തുടർന്നേ മതിയാകൂ...

നന്മ വറ്റാത്ത സ്നേഹത്തിന്റെ തീരങ്ങൾ തേടി..
ദുരിതക്കടലാഴങ്ങളിൽ..
വഞ്ചി തുഴയുന്നു ലക്ഷ്യമറിയാതെ...

#Shaby's

Saturday, 14 October 2017

കാമ വിശപ്പിൻ ഇരകൾ

ദാരിദ്ര്യം കൊണ്ടു ശോഷിച്ച
അവളുടെ മേനിയിൽ കാമത്വരയാൽ
പടർന്നു നീ കയറിയിറങ്ങിയപ്പോൾ..
കത്തിക്കാളുന്ന വിശപ്പേ അവളറിഞ്ഞുള്ളൂ.

അസ്ഥിപഞ്ജരമാകിലുമാ സ്ത്രീത്വത്തെ
ഭോഗിച്ചു മദിച്ച നിന്നിൽ നിന്നും...
കീഴ്പ്പെടുത്തലിന്റെ മ്ലേച്ഛമാം... ബീജങ്ങളിലൊന്നവളിൽ ഉയിരിട്ടത്...
എരിയുന്നയഗ്നിക്ക് പുഷ്ടിയേകാൻ പകർന്ന നെയ്യുപോലാകവേ...

ഉയിരിട്ട കുഞ്ഞിനച്ഛനേതെന്ന് ചൊൽവതിനായില്ലവൾക്കും..
നരാധമാ..നിന്റെ അല്പസൗഖ്യത്തിൻ ക്രൂരതയിൽ
വിരിഞ്ഞ വെറും പാഴ്ച്ചെടി ഞാൻ.

ചിത്തഭ്രമത്താലലയുമെന്നമ്മ...
മാറോടു ചേർത്ത് ശുഷ്കിച്ച മാറിടത്താൽ ചുരത്തിയതു മുലപ്പാലല്ല സത്യം.
തിരസ്കാരത്തിന്റെ, അവഹേളനത്തിന്റെ
ഉപ്പു ചേർന്നൊലിച്ച ചുടുചോര തന്നെ.

ഹേ...നാരീമണികളേ..നിങ്ങളോടൊരു
വാക്ക് മാത്രം.
കാമകണ്ണുകൾ അതിർവരമ്പുകൾ ഛേദിച്ചു നിന്റെ പിഞ്ചുകുഞ്ഞിൻ ഇളം മേനിയെ തിരയുമ്പോൾ...
അവളുടെ കുസൃതികൾക്കപ്പുറം..
അവരുടെ കരതലമുയരുമ്പോൾ..
ഉയർന്നു പൊങ്ങണം...പെണ്ണേ
നിന്റെ കൈകൾ ഖഡ്ഗമേന്തി ...

അരിഞ്ഞു തള്ളിമുന്നേറണം..
അമാന്തമരുതരുതൊരിക്കലും..
വില്പനക്ക് വച്ചൊരു നിയമവും, നീതിയും പെണ്ണിന്റെ മാനം കാക്കുകില്ലാകയാൽ

നിനക്ക് വേണ്ടി ശബ്ദമുയർത്താൻ
                                     നീ മാത്രമാവുകിൽ
                 നിനക്ക് രക്ഷ സ്വയം തിരയുക.

#Shaby's

അറിവ്

#അറിവ്

അറിവിന്റെ അലയാഴിലൊരു അല്പജ്ഞാനി
അവതീർണ്ണമായൊരു സദാചാര നിയമത്തിൽ ആശങ്ക പേറുന്നവൻ..
അഹങ്കാരിയെന്നു ചൊല്ലി അകറ്റുവോർക്കെന്ത് ന്യായം..
അവരവർ തന്നുടെ ചിന്താതലങ്ങൾ..
അത്രമേലുണ്ടാകുമോ അപരനിലും....
അതിവേഗമതിദ്രുതം വളരുന്ന
ആശയങ്ങൾ
ആമാശയത്തിന്റെയറ്റത്ത് അതിരിടുന്നൂ.
അടിയനോടുര ചെയ്ത കർമ്മങ്ങൾ
അതിശീഘ്രമായൊന്നൊതുക്കീടട്ടേ...
അതിനവസാനമടിയനൊരു നേരം
അവതരിപ്പതാണീ വിഷയത്തിൽ
അടിയന്റെ അതിശുഷ്കമാം അറിവുകൾ..
😄😄😄
#Shaby's #Thoughts

Friday, 13 October 2017

ചിന്തകൾ_മരിക്കാതിരിക്കട്ടെ

#..

സ്ത്രീകളെ അവരുടെ മുഴുത്ത ശരീരഭാഗങ്ങൾ കൊണ്ടാണ് ആക്രമിക്കപ്പെടുന്നതെന്ന് കരുതിയാൽ വയോ വൃദ്ധയേയും പിഞ്ചുകുഞ്ഞിനേയും എന്തിന് ജന്മം നൽകിയ അമ്മയേയും വെറുതെ വിടാത്തതെന്തേ...ഏതവയവം കൊണ്ടാണ് നാലും മൂന്നും ഏഴും വയസ്സുള്ള നിഷ്കളങ്കമായ ബാല്യം ഇവരുടെ ലൈംഗിക തൃഷ്ണയുണർത്തിയത്..

തൊണ്ണൂറു വയസ്സ് പ്രായമുള്ള ശുഷ്കിച്ച ശരീരമുള്ള കന്യാസ്ത്രീയെ ഏത് ഭാഗമാണ് കാമത്തിടമ്പായി കാണാൻ തോന്നിച്ചത് ..പെറ്റിട്ടവളെ ബലാത്സംഗത്തിന് വിധേയമാക്കിയവന് ഏത് ന്യായീകരണം നല്കും നാം...

മകളിൽ , സഹോദരിയിൽ അമ്മയിൽ ലൈംഗിക സുഖം തേടുന്ന കാമ പിശാചുക്കൾക്ക് ഏതർത്ഥത്തിൽ പുരുഷന്റെ നാമം നല്കും.
എന്തായാലും സഭ്യതകൾ തന്നുടെ സീമകളെ ക്രൂരമായ് ലംഘിച്ച് വരുന്ന മ്ലേച്ഛമായ കവിതയെന്നു പേരിട്ട ചില സാമൂഹ്യ മാദ്ധ്യമ ഭോഷ്കുകളേക്കാൾ
സ്വയം നടത്തേണ്ട വിചിന്തനങ്ങളാണ് .
         അല്ലെങ്കിൽ മാനസികമായി നമുക്കു സംഭവിച്ച അപചയങ്ങളെ ഉൾക്കൊണ്ട് തിരുത്തിയെടുക്കാനും സ്വയം തിരുത്തപ്പെടാനുള്ള
മനസ്സുമാവട്ടെ നാം ഇരു ലിംഗക്കാരും
രൂപപ്പെടുത്തിയെടുക്കേണ്ടത് ..

ഇനിയൊരു കരങ്ങളും പിഞ്ചോമനകളുടെ നേരെയുയരാതിരിക്കട്ടെ...
ഇനിയൊരു മാതാവും മക്കളാൽ മാനഭംഗപ്പെടാതിരിക്കട്ടെ...

വീണ്ടും   ഒരു ശിഷ്യയും ഗുരുനാഥകരങ്ങളാൽ/വൈദികരാൽ കളങ്കപ്പെടാതിരിക്കട്ടെ..

ഒരു പെണ്ണിന്റെ സ്വകാര്യ വെളിവാക്കുന്ന ആധുനിക വസ്ത്രധാരണവും അവളുടെ സ്വാതന്ത്ര്യം ഹനിക്കപ്പെടും വിധത്തിലാവാതിരിക്കട്ടെ   ....

ഇരുട്ടിലിഴയുന്ന പ്രണയം കാമം മാത്രമെന്ന് തിരിച്ചറിയാൻ ഓരോ സഹോദരികളും മനസ്സിലാക്കട്ടെ...

തിരുത്തിയെടുക്കാനാവാത്ത വിധം അധപതിക്കുന്നതിന് മുന്പ് നമുക്കൊന്ന് ശ്രമിക്കാം ...ഒരവസാന ശ്രമം കാലാഹരണപ്പെട്ട തുച്ഛമായ ശിക്ഷ പോരാ ഈ കാപാലിക കൃത്യങ്ങൾക്ക്..
ഇത്തരം
ഒരുത്തനേയും നമ്മുടെ നികുതിപ്പണത്തിൽ തീറ്റിപ്പോറ്റേണ്ടതില്ല .
മാറ്റമില്ലാതെ തുടരുന്നതൊന്ന് മാത്രം അത് മാറ്റം തന്നെയെന്നറിയുക നാം.

#Shaby's

Wednesday, 11 October 2017

വലയും വില്ലും

#വലയും_വില്ലും😄 ( Mid Night mind Disorder )

കൊതിപ്പിച്ചു കടന്നൊരു പെണ്ണിനെ കണ്ടു.. മുഖപുസ്തത്താളിലൊരു കോണിൽ..

കനവുകൾ കൊണ്ട് കവിതകളെഴുതി ...
കൂട്ടുകാർക്കൊപ്പം സല്ലപിപ്പൂ...

മുൻ കാമുകശ്രേഷ്ഠന്റെ ചങ്ങാത്ത യാചന
കണ്ടിട്ടും കാണാതെ മാറി നിന്നവൾ...

വിരിച്ചിട്ട വലയിലറിയാതെ കുടുങ്ങിയ നീർക്കോലിയേ പോലവന്റെ
വാലിൽ പിടിച്ചു വലിച്ചെറിഞ്ഞു.

ഭേഷ്... വലയിലെ സ്വർണ്ണ മത്സ്യങ്ങൾ പെണ്ണിന്റെ ശൗര്യത്തെ വാഴ്ത്തി കവിതകൾ രചിച്ചൂ.
എന്തൊരു ധൈര്യം എന്തൊരു ചുണക്കുട്ടി പെണ്ണെന്നാലിവളേ പോലെന്നവർ വാഴ്ത്തിപ്പാടി.

ഇളിഭ്യനായ് പോയ നമ്മുടെ കാമുകനാകട്ടെ ലജ്ജയെ ചുരുട്ടിക്കോണകമാക്കി താറുടുത്തൂ ..

ഹമ്പടി..നിന്നെ കാണിച്ചു തന്നിടാമിന്നു ഞാൻ
എന്നുമുരുവിട്ടെടുത്തവസാന വില്ലുമെടുത്ത്
അങ്കക്കലിപൂണ്ടു വിറച്ചൂ...

കേട്ടവർ കണ്ടവർ തമ്മിൽ നോക്കി
എന്തിതെന്റെ ദൈവമേ കാൺവതു നാം
സഭ്യതകളെല്ലാം വലിച്ചുകീറി കാണിച്ച ധൈര്യം
സെൻസറിൻ കത്രികയിലൊതുങ്ങിയില്ല..
ചേരികൾ രണ്ടായി തർക്കങ്ങൾ മൂത്തു..

അടിതെറ്റിവീണു പെണ്ണൊരുത്തി അടിയനു പറ്റിയ തെറ്റു മറന്നീ വില്ലുമെടുത്ത് മടങ്ങീടണേ...

പാതിവഴിയിൽ നാം നിർത്തിയ കേളികൾ സഖേ..
നിന്റെ ഇഷ്ടം പോലാകമെന്നൊരു വ്യവസ്ഥ ചെയ്യാം.
ഇതുകേട്ടാകെ തണുത്ത കാമുകനാകട്ടെ
ആവനാഴിയിലവശേഷിച്ച വില്ലുകൾ ഭദ്രമാക്കി.
ശുഭകരമായി തീർത്തതിലവരാശ്വാസം കൊള്ളേ..
കലിപൂണ്ടു കുതിച്ച മുഖപുസ്തക ശ്രേഷ്ഠർ ഇതികർത്തവ്യഥാമൂഢരായ് നിന്നു പോയീ...😃💃

#Shaby's (mad thoughts)

(*ഇന്നു കണ്ടൊരു കാഴ്ച പകർത്തിയതാണ്.. ട്ടോ...കാമുകനുമായി പുലബന്ധം പോലും അടിയനില്ല ഇനിയിതും പറഞ്ഞു വരല്ലേ* 😄😄😃)

Sunday, 8 October 2017

അമ്മ എന്ന പുണ്യം

പോയ്മറഞ്ഞിട്ടും ഹരിതാഭ മാറാത്ത ... പൊൻവസന്തകാലത്തിന്നോർമ്മ പോൽ.

പലവുരു കേട്ടിട്ടും കൊതിതീരാത്ത മധുരഗീതം പോൽ
പാരിജാതപ്പൂവിനേക്കാൾ നൈർമ്മല്യമോടെ..

പകരമേതു സ്വർഗ്ഗം വെച്ചെന്നാലുമൊരിക്കലും
പകരമാവാത്ത നന്മ തട്ടുപോൽ..

പടിവാതിലിലൊരു പുണ്യമിരിപ്പുണ്ടെന്റെ വരവ് പ്രതീക്ഷിച്ചു കൊണ്ട് ..

പൂർണ്ണചന്ദ്രപ്രശോഭിതമാം ആ മുഖമിന്ന് ശോഭ മങ്ങിയെതെന്തേ..

പരിചിതമുഖങ്ങളിലായവൾ തേടുന്നതൊരു മുഖം മാത്രം .

പ്രയാസങ്ങൾ തീർക്കാൻ പരിഭവമകറ്റാൻ
പ്രയാസ്സക്കടലുകടന്ന പ്രവാസിയാമവളുടെ
പൊന്നു മകനെ...

പത്തുമാസം ചുമന്നു പെറ്റ പുണ്യം പണയപ്പെടുത്തി..
പരിഷ്കൃതനാമവനമ്മയെ
പുത്തനച്ചി തൻ വാക്കിനാൽ പടിയിറക്കിയെന്നാകിലും...
പെറ്റവയറിനാകുമോ വെറുക്കുവാൻ..

പ്രജ്ഞയറ്റു പോയെന്നാലുമാ
പടുവൃദ്ധ പടിയേറി വന്നു വീണ്ടും...

പ്രാണൻ കൊടുത്തു വളർത്തിയ
പുന്നാര മോന്റെ പൂമുഖമൊന്നു കാണാൻ..

പാർപ്പിടത്തിനൊരു കോണിൽ ഇനിയുള്ള കാലം
മകനൊത്ത് കൂടാനും കൊതിയോടെ വന്നവൾ

പ്രതീക്ഷകൾ ബാക്കി വെച്ചവൻ പാതിയിൽ
പറന്നകന്ന കഥയറിയാതെ...

പൊടിഞ്ഞു വീണ അശ്രുക്കളൊന്നും തൻ പാപത്തിൻ പരിഹാരമല്ലെന്നറിഞ്ഞു കൊണ്ടാ..
പാപങ്ങളേറ്റു പറഞ്ഞാ പാദങ്ങളിലായ് വീഴാൻ..
പ്രാണനില്ലാത്ത ജഡം കൊതിക്കുന്നു പോൽ വൃഥാ...

#Shaby's

ആദ്യത്തെ മൊഹബ്ബത്ത് 2

എന്തേ അസ്യേ.. അനക്കൊരു ആക്കിയ ചിരി..ദാവൂദ് ചോദിച്ചു .അവന്റെ മുഖത്തെ ആ ചിരി അവനു തീരെ പിടിച്ചില്ല ..ന്താ അന്റെ കയ്യില്..ഇയ്യെന്താടാ ഒളിപ്പിച്ചു വെക്കണത് നോക്കട്ടെ അവൻ ആകാംക്ഷയോടെ ചോദിച്ചു .

    ങ്ഹാ.. അതൊക്കെ ഉണ്ട് മോനേ...ഇതവൾക്കുള്ളതാ ആച്ചൂന്...അവളെ വീട്ടിൽ ഇന്ന് രാത്രി ഉസ്താദിന്റെ ഭക്ഷണം വാങ്ങി കൊണ്ട് വരാൻ ഞാൻ പോകുന്നുണ്ട്. അവിടെ വച്ച് ഞാൻ ഇതവൾക്ക് കൊടുക്കും. നീ നോക്കിക്കൊ..ഞാൻ തന്നെ ജയിക്കും...
   ഓ...ശരി ...അവളുടെ ബാപ്പ കോൺക്രീറ്റിന്റെ കൂടെ പൊടിച്ചു ചേർക്കാതിരുന്നാ മതി..ഹ..ഹ.. ഹ   ദാവൂദ് അവനെ കളിയാക്കി..
ഒന്ന് പോടാ ..നമുക്കു കാണാം..ന്ന് പറഞ്ഞ് അവൻ പോയി.
     ഈ മിഠായി എങ്ങിനെ അവളുടെ കൈയ്യിൽ കൊടുക്കാം എന്ന് ചിന്തിച്ചിരിക്കുന്ന സമയത്താണ് ..അവളുടെ കൂട്ടുകാരി ഫസീലയുടെ രംഗപ്രവേശം. അവളെ കണ്ടു ദാവൂദ് ഒന്ന് പുഞ്ചിരിച്ചു അവളു തിരിച്ചും പുഞ്ചിരി തൂകി...
ഡീ...ഫസീ.. ഒരു കാര്യം ചോദിച്ചാൽ നീ ചെയ്തു തരുമോ..ദാവൂദ് അവളോട് ചോദിച്ചു..
   ഉം ....ന്താ കാര്യം ന്ന് പറ നോക്കാം...
നോക്കിയാൽ പോരാ..ചെയ്തു തരണം...പ്ലീസ് ..
നീ പറ ചെക്കാ..ഉസ്താദ് വരാൻ നേരായീ..
അവനവളോട് കാര്യം പറഞ്ഞു...ഹയ്യടാ..എനിക്ക് വയ്യ നീ തന്നെ കൊടുത്തോ.. ഞാനെന്താ നിങ്ങളുടെ ബ്രോക്കറോ..?
അല്പം ദേഷ്യത്തോടെ തന്നെയാണ് അവളത് പറഞ്ഞത്.
എന്താടീ...പ്ലീസ്.. ഞാൻ ആ അസൈനാരോട് പന്തയം വെച്ചതാ അതുകൊണ്ടാ അല്ലാതെ ....അവനൊന്നപേക്ഷിച്ചു നോക്കി.

ങ്ഹാ.. അവസാനം എനിക്ക് പ്രശ്നം ആവരുത് .. ഹേയ് ഇല്ല അവൻ ഉറപ്പിച്ചു പറഞ്ഞു.
അനിഷ്ടത്തോടെ അവളത് വാങ്ങി കൊണ്ട് ക്ലാസ്സിൽ പോയി..
പിന്നെ വന്നു നോക്കിയപ്പോൾ അവളും മുംതാസും കൂടെ ഇരുന്നു അവൻ കൊടുത്ത മിഠായി അകത്താക്കുകയായിരുന്നു അവൻ നോക്കിയത് കണ്ടിട്ടാവണം ..അവളുമാര് രണ്ടു പേരും കൂടി ഒരു കള്ളച്ചിരി...ഒരു ചിരി അവനും പാസ്സാക്കി.

*തുടർന്നെഴുതണില്ല*😭

Saturday, 7 October 2017

ആദ്യത്തെ മൊഹബ്ബത്ത്

❤

അവനവളുടെ വാട്സാപ്പ് സ്റ്റാറ്റസിലേക്ക് വീണ്ടും നോക്കി..ഇല്ല അവൾ ഓഫ് ലൈൻ തന്നെ..
വല്ലാത്ത നിരാശയോടെ മൊബൈൽ താഴെ വച്ചു. ശ്ശേ...ഈ പെണ്ണിതെന്തെടുക്കാ..? ഇനി അവൾക്കെന്തെങ്കിലും...!! ഹേയ്..വല്ല തിരക്കും
കാരണമാവും..
അവൻ സ്വയം സമാധാനിപ്പിച്ചു.

കുറച്ചു നേരം കഴിഞ്ഞപ്പോൾ അക്ഷമയോടെ അവൻ വീണ്ടും തന്റെ വാട്സാപ്പ് തുറന്നു അവളുടെ പ്രൊഫൈൽ പരിശോധിച്ചു അവസാനം ഓൺലൈൻ വന്നത് രണ്ടു ദിവസം മുൻപ്. അന്ന് ബായ് പറഞ്ഞു പോയതാണ്..

അവളുടെ ഒരു മെസ്സേജെങ്കിലും കണ്ടില്ലെങ്കില് എന്തോ പോലെയാണ്..ആകെ മൂഡോഫാകും ..ദാവൂദ് ബെഡ്ഡിൽ കിടന്നു അങ്ങോട്ടുമിങ്ങോട്ടും തിരിഞ്ഞു കിടന്നു നോക്കി..ശ്ശേ... ഉറക്കവും വരുന്നില്ല ..പണ്ടാരം..!

തലയിണകൾ രണ്ടും കട്ടിലിന്റെ അറ്റത്ത് അടുക്കി വച്ച് ചുമരിൽ ചാരി തലയിൽ കൈകൾ കോർത്ത് വച്ച് അവൻ പഴയ കാലത്തേക്കൊരു റിവേഴ്സ് ഗിയറിട്ടു..

' ഫസീല'.. തന്റെ പ്രിയപ്പെട്ട കൂട്ടുകാരി. നീണ്ടു മെലിഞ്ഞാണെങ്കിലും അവളുടെ സുന്ദരമായ മുഖവും തൊണ്ടിപ്പഴം പോലോത്ത അധരങ്ങളും
നനുത്ത ചെറു ചെറു രോമരാജികൾ നിറഞ്ഞ കൈകളിൽ ഓൾടെ ബാപ്പ ഗൾഫിൽ നിന്നും കൊടുത്തയച്ച ഫാൻസി വാച്ചും പിന്നെ ഒരു ഗോൾഡ് ബ്രേസ്ലെറ്റും കെട്ടി പത്രാസ്സുകാട്ടിയുള്ള നടത്തവും കൂടെ നോക്കിനോക്കിയാൽ ആകെ ഒരു പ്രത്യേകതയുണ്ടവൾക്ക്.

ഓൾടെ
ചിരിയൊരു സംഭവമാണ്..തട്ടമിട്ട ഓൾടെ ആ ചിരി കണ്ടാല് നിവിൻ പോളി പറഞ്ഞ പോലെ ..പിന്നെ ചുറ്റുമുള്ളതൊന്നും കാണാൻ പറ്റൂലെന്റെ ..സാറേ..

   സഹപാഠി, അയൽപക്കത്തെ കുട്ടി എന്നതിനേക്കാൾ നമ്മുടെ ദാവൂദിന്റെ ചങ്ക് ദോസ്തുക്കളായ അലിയുടേയും ഫസീമിന്റേയും ഏക പെങ്ങളാണവൾ. അവരുടെ പ്രിയപ്പെട്ട കുഞ്ഞോൾ..ബാപ്പാടെ വാത്സല്യ തിടമ്പ്.

            മദ്രസ്സ കാലം മുതൽ കൂടെ പഠിച്ചവരാണെങ്കിലും സഹപാഠിയെന്നതിൽ പരമായി അവനന്നൊന്നും തോന്നിയിരുന്നില്ല. രണ്ടു ജേഷ്ഠന്മാർക്ക് നടുവിൽ .. ഒരു കുഞ്ഞു മാലാഖയേ പോലെ അവൾ ഓത്തുപള്ളിയിൽ വന്നിരുന്നത് അവനോർത്തു..

   അത്യാവശ്യം കുറച്ചു വികൃതിയും കമ്മിറ്റിക്കാരനായ ബാപ്പാടെ ഏക മകനെന്ന ഇച്ഛിര അഹങ്കാരവും കൂടെ ഉള്ളതോണ്ട് ദാവൂദ് അവിടുത്തെ ഒരു പ്രമുഖൻ തന്നെ ആയിരുന്നു..

ആയിടക്കാണ് സ്ഥലത്തെ ഏക എഞ്ചിനീയർ ഇബ്രാഹിംക്കാടെ മകൾ മുംതാസിനെ ഓൾടെ ബാപ്പ മദ്രസ്സയില് കൊണ്ട് ചേർത്തത്.

     കാണാൻ വലിയ മൊഞ്ചൊന്നുമില്ലേലും പൈസക്കാരിയായ ആച്ചൂന്ന് വിളിക്കണ മുംതാസിനെ ചെക്കന്മാരെല്ലാം നോട്ടമിട്ടു ചെങ്ങായി അസൈനാർ ചൊടിപ്പിച്ചതനുസരിച്ച് നമ്മുടെ ദാവൂദ് ഒരു കൈ നോക്കാം എന്ന് തന്നെ കരുതി..
അതിനായി അവര് തമ്മിൽ ഒരു മത്സരം തന്നെ കാഴ്ച വച്ചു.

പിറ്റേന്ന് രാവിലെ ദാവൂദ് നേരത്തെ തന്നെ   മദ്രസ്സയിലേക്ക് വച്ച് പിടിച്ചു. ഉപ്പാടെ പോക്കറ്റീന്ന് ഇസ്ക്കിയ പത്ത് രൂപയും കൈയ്യിൽ പിടിച്ച് മൂസക്കാന്റെ പീടികയിൽ നിന്ന് നല്ല ഭംഗിയുള്ള പുറന്തോടിനാൽ മനോഹരമായ കുറച്ചു മിഠായികൾ വാങ്ങി അവൻ പോക്കറ്റിൽ തിരുകി മദ്രസ്സയിലേക്ക് ചെന്നു.

ഭാഗ്യം ആരും തന്നെ എത്തിയിട്ടില്ല ...ങ്ഹേ..ദേ വരണൂ   തന്നെ കണ്ടു അസൈനാർ എന്തോ അവനെന്തോ ഒളിച്ചു പിടിക്കുന്നുണ്ട് .
ഒരു വളിഞ്ഞ ചിരി പാസ്സാക്കി അവൻ അടുത്തേക്ക് വരുന്നുണ്ട്..

(തുടരും)
#shaby's

Saturday, 16 September 2017

എന്റെ വിദ്യാലയം

വിരഹത്തിൻ വൃണമുണങ്ങാത്ത ...
വികല സ്വപ്നവുമായൊരിക്കൽ...
വിടപറഞ്ഞകന്നതാണു ഞാൻ...
വിദ്യ നുണഞ്ഞയീ വിദ്യാലയത്തിരുമുറ്റം.

വിറക്കുന്ന അധരങ്ങളുമായ്..വിഹ്വലതയോടെ
വിരസമായ ഓർമ്മയും ബാക്കിയാക്കി
വിദ്യാലയത്തിന്റെ പടികൾ പിന്നിട്ടകന്നന്ന് ദൂരെ.

വർഷങ്ങൾ കഴിഞ്ഞൊരു നാളിലായ്
വിരുന്നുകാരനെ പോലെ ഇനിയുമൊരിക്കൽ പോകണമെനിക്ക്....

വികൃതികളായ് നമ്മൾ വിലസിയൊരു വിദ്യാലയത്തിന്റെ ആരാമത്തിലായ്....
വെള്ളരിപ്രാവുകൾ തത്തിക്കളിക്കുന്നയാ...
വലിയ പൂമുഖവും ,തലയുയർത്തി നില്ക്കുമാ..
വൃക്ഷത്തണലിനേയും വീണ്ടും സ്മരിച്ചു കൊണ്ട്

വിദ്യ തൻ അമൃതു നുകർന്നൊരെന്നുടെ
വലിയ ക്ലാസ് മുറിയിലേക്കൊന്നു കൂടെ .. വേപഥുക്കളോടെ പോയൊന്നിരിക്കണം

വിരലുകളാൽ ചുവരിൽഞാൻ മുന്പു ചെയ്തു വെച്ചുള്ള..
വികൃതികളോരോന്നും കണ്ടോന്നാസ്വദിക്കണം.

വിരുതുകൾ കാണിച്ചയാ ചുമരിലായെൻ..
വിറയാർന്ന ചുണ്ടുകൾ ചേർത്തൊന്ന് ചുംബിച്ചിടേണം..

വിശപ്പിനാൽ കത്തിക്കാളുന്ന വയറിന്റെ
വിളികേട്ട നമ്മുടെ പഴയ കഞ്ഞിപ്പുരയെ...
വിശപ്പോടെ വീണ്ടും നോക്കിടേണം.

വിരുതുറ്റ സഹപാഠികൾ തൻ സർഗ്ഗ
വാസനകളെ..പ്രദർശിപ്പിച്ച നമ്മുടെ പ്രിയ
വേദിയും പിന്നിട്ടാ..
വേലികെട്ടിത്തിരിച്ച വിശാലമാം മൈതാനത്തിൻ
വിഖ്യാതമാം മൂലയിലായ് പോയിരിക്കണംവൃഥാ..

വിട പറഞ്ഞകലും മുന്പാ പുസ്തകപുരയുടെ വടക്കു വശത്തായ് ഞാൻ നട്ട ബദാം മരചോട്ടിൽ വച്ചുതിർക്കണം മിഴിനീരല്പം പെണ്ണേ നീ നല്കിയ
വിലോലമാം ഓർമ്മകൾ മറക്കാനാവാത്ത
വിനീതനാമെന്നുടെ ഹൃത്തിനല്പം സൗഖ്യമേകാൻ

വൈകാതെ പിന്തിരിഞ്ഞൊന്നുനോക്കാതെ
വിദ്യാലയത്തിന്റെ പാവനമായ മുറ്റം..
വിട്ടു ഓർമ്മകൾ പിറകിലാക്കി പറന്നകലണം വിസ്മരിക്കില്ലെന്ന വാക്കുകൾ നെഞ്ചിലേറ്റി.

#Shaby's

Wednesday, 13 September 2017

നിദ്രാ വിഹീന നിനവുകൾ

#നിദ്രാവിഹീന_നിനവുകൾ😃

നേർത്തൊരോർമ്മകൾ മാത്രം
നിനവിൽ നിർത്തിയകന്നു ..
നീ പോകുവതെങ്ങു സഖീ...
നിശ്ചയമൊരുപാട് നോവുനീറ്റി..
നേടിയതാണു നിന്നെയെന്നോമലേ..
നീയറിയാതെ നിന്നിഴലുപോലവേ പിന്തുടർന്നും.
നീണ്ട നിന്നുടെ വാർമുടിതുമ്പിലൊരു ..
നനുത്ത ചെമ്പക മൊട്ടായലിഞ്ഞിടാൻ..
നേദിച്ചു ഞാനും നേർച്ചകൾ പലതും.
നിന്റെ നീല മിഴികൾക്കുമപ്പുറമൊരു.. ലോകമതില്ലാതായെനിക്കും.
നിറമിഴികളാൽ നീയകന്നു പോവരുതെങ്ങും..
നിശ്വാസമായ് , നിറദീപമായ് , നൈർമല്യമേ..
നിദ്രാവിഹീന നിനവുകൾ പോൽ...
നീയെന്നിലായെന്നും ...ചേർന്നൊഴുകണേ...

#Shaby's

Monday, 11 September 2017

അറക്കൽ മന