ആത്മ സംസ്കരണത്തിന്റെയും വിശുദ്ധിയുടേയും നാളുകൾ ഇതാ വന്നെത്തിയിരിക്കുന്നൂ..
വൃതാനുഷ്ടാനങ്ങളുടെ പുണ്യം കരഗതമാക്കാൻ വിശ്വാസി സമൂഹം തയ്യാറെടുക്കുന്ന വിശുദ്ധിയുടെ ഈ സുന്ദരമായ നാളുകൾ അതിന്റേതായ രീതിയിൽ ഉപയോഗിക്കാൻ ഏവർക്കും സാധിക്കട്ടെ...
പകലു മുഴുവൻ പട്ടിണി കിടക്കുന്നതല്ല ഈ നോമ്പു കൊണ്ട് ഉദ്ദേശം.
വിശപ്പിന്റെ വിലയറിയാനും തന്റെ അയൽവാസി അതേതു മതക്കാരനായാലും അവർ പട്ടിണി കിടക്കുകയാണെങ്കിൽ വയറു നിറച്ച് ഭക്ഷണം കഴിക്കുന്നവൻ യഥാർത്ഥ വിശ്വാസിയല്ലെന്ന് പഠിപ്പിച്ച് തന്ന പുണ്യ പ്രവാചകൻ മുഖേനെ നമുക്ക് ലഭിച്ച പുണ്യമാണ് ഈ റമദാൻ...
ചെയ്യുന്ന പുണ്യങ്ങൾക്ക് 70000 ഇരട്ടിയോളം പ്രതിഫലം ഓഫർ ചെയ്ത നാഥന്റെ തിരു സമ്മാനമാണ്.
മിതമായ ഭക്ഷണം കഴിച്ചു ശരീരത്തിന്റെ സ്വാഭാവിക നില നിലനിറുത്താൻ മറന്നു പോയ നമുക്ക് ആരോഗ്യകരമായ തിരിച്ചു വരവാണ് നോമ്പ് .
പകലു മുഴുവൻ പട്ടിണി കിടന്നു വൈകിട്ട് അമിതമായി ആഹാരം കഴിച്ച് ഈ നോമ്പിന്റെ ഫലം കളയാതിരിക്കുക അമിതമായ ഭക്ഷണ ദുരുപയോഗവും നശിപ്പിക്കലും ധൂർത്തും വെടിയുക കോടിക്കണക്കിന് സഹോദരങ്ങൾ ഇന്നും ഒരു നേരത്തെ ആഹാരം പോലും സ്വപ്നം കാണാൻ കഴിയാത്തവരായുണ്ട് മറക്കരുത്
നോമ്പിന്റെ സവിശേഷതകൾ എണ്ണിയാലൊതുങ്ങില്ല ഏവർക്കും പുണ്യങ്ങളുടെ പൂക്കാലമായ ഈ റമദാനിലേക്ക് ആശംസകൾ നേരുന്നു ഒപ്പം ഒരുപാട് പുണ്യങ്ങൾ കരസ്ഥമാക്കാനാവട്ടെ എന്ന പ്രാർത്ഥനയോടെ...
Shaby's
