ഇണക്കങ്ങൾ പിണക്കങ്ങൾ

ഇടറിയ കണ്ഠമാലുരുവിട്ട നിൻ വാക്കുകൾ ...
ഇണങ്ങുവാനിനിയില്ലെന്നാകിലും..
ഇന്നുമാ പിൻവിളിയെ കാത്തിരിക്കുന്നു...വൃഥാ..
ഇനി വരും ഋതുക്കളെ വരവേൽക്കാൻ വീണ്ടും
ഇതുവഴി നീ വരുമെന്നു കരുതി ഈ.. ഇലഞ്ഞിമരച്ചോട്ടിലായ് കാത്തിരിക്കുന്നു ഞാനും
ഇണയെ കാത്തിരിക്കുന്ന
പറവ പോലക്ഷമനായ്...
ഈർഷ്യയടക്കി വരില്ലേ
ഇണക്കിളിപ്പെണ്ണേയിനി നീ....
ഇനിയാവില്ലെനിക്കു പിണങ്ങി നിൽക്കാൻ....
ഇനിയൊരു ജന്മമതസാദ്ധ്യമാണ്
ഇന്ദ്രനീല നയനങ്ങളുള്ളയെൻ സഖീ...