പുത്തൻ പ്രതീക്ഷകൾ (New Generation)

#ന്യൂ_ജനറേഷൻ

അഹങ്കാരിയാണു ഞാൻ ഈ ഭൂവിതിൽ
ദുരഭിമാനം താങ്ങി നടപ്പൂ..

കേൾക്കേണ്ടതില്ലൊ-    രുപദേശവുമിനി..
വൃഥാ മുതിർന്നു നീ അപഹാസ്യനാവേണ്ട

കടപ്പാടുകൾക്കില്ലൊരു  മേന്മയുമെന്നിൽ..
കാവലായൊരുത്തനും വേണ്ടതില്ലാ..
 
പെറ്റുപോറ്റിയ നോവും ചൊല്ലിയീ
പടിയാരുമിനി കയറി വന്നിടണ്ടാ..

ഒഴുക്കിയ വിയർപ്പിൻ ദുർഗന്ധം വമിക്കുന്ന
ദേഹവുമായൊരു പിതാവുമീ വഴി വന്നിടണ്ടാ..
ഇന്നലെ മാനത്തു വെട്ടിയമിന്നലിൽ
                           പൊട്ടിമുളച്ച കൂണു ഞാനാകയാലാ-പിതൃത്വമോതി
യെൻ പടിയാരുമിന്നിനി താണ്ടിടണ്ടാ..

ഈ വിധമെന്നെ വളർപ്പതാൽ      നിശ്ചയമ-പരാധം നിന്നോടുകൂടിയേ

ആധുനികത തേടിയുള്ള നിന്റെ പരീക്ഷണങ്ങൾ രൂപപ്പെടുത്തിയതാണെന്നെ....
വിചിത്രമാണ് മനുജാ  നിന്റെ ആഗ്രഹങ്ങളും....!!!

Shaby's